தமிழ்நாட்டில் சமூக மாற்றங்கள்
பத்தொன்பதாம் நூற்றாண்டில் தமிழ்நாட்டில் பல சமூக சீர்திருத்த இயக்கங்கள் தோன்றின. காலனியத்தின் பண்பாட்டு ஆதிக்கமும் மனிதநேயத்தின் எழுச்சியும் இந்தியத் துணைக்கண்டத்தின் சமூக-பண்பாட்டு வாழ்வில் பல மாற்றங்களைக் கொண்டு வந்தது.
தமிழ் மறுமலர்ச்சி
- அச்சு இயந்திரத்தின் அறிமுகம் தமிழ் மறுமலர்ச்சிக்கு அடிப்படையானது
- மொழியியல் ஆய்வுகள் தமிழ் மறுமலர்ச்சிக்கு உதவின
- உ.வே. சாமிநாதையர் பல பழைய தமிழ் இலக்கியங்களை மீட்டெடுத்தார்
- சி.வை. தாமோதரம்பிள்ளை சைவ சித்தாந்த நூல்களை வெளியிட்டார்
பெரியார் ஈ.வெ. ராமசாமி
பெரியார் 1925இல் சுயமரியாதை இயக்கத்தைத் தொடங்கினார். பகுத்தறிவுக் கருத்துகளை மக்களிடையே பரப்புவதில் முக்கியப் பங்காற்றினார். 'குடிஅரசு' (1925), 'ரிவோல்ட்' (1928), 'புரட்சி' (1933) போன்ற பல செய்தித்தாள்களையும் இதழ்களையும் தொடங்கினார்.
சுயமரியாதை இயக்கம்
- 1925இல் பெரியார் தொடங்கினார்
- சாதி ஒழிப்பு, மூடநம்பிக்கை எதிர்ப்பு, பெண்கள் உரிமை ஆகியவை முக்கிய கோட்பாடுகள்
- குடிஅரசு - சுயமரியாதை இயக்கத்தின் அதிகாரபூர்வ செய்தித்தாள்
- 1944இல் திராவிடர் கழகம் (திக) என்ற புதுப்பெயர் சூட்டப்பட்டது