மரபியல் (Genetics)
ஒத்த உயிரிகள் ஒத்த உயிரிகளைத் தோற்றுவிக்கும் ("Like Begets Like") என்பது உலகறிந்த உண்மை. பண்புகள் ஒரு தலைமுறையிலிருந்து அடுத்த தலைமுறைக்கு மரபணுக்களால் (ஜீன்களால்) கடத்தப்படுகின்றன.
கிரிகர் ஜோகன் மெண்டல் - மரபியலின் தந்தை
- மெண்டல் (1822 – 1884) ஆஸ்திரிய துறவி
- செக்கஸ்லோவாகியாவிலுள்ள சிலிசியன் என்ற ஊரில் விவசாயக் குடும்பத்தில் பிறந்தார்
- பட்டாணிச் செடிகளில் (Pisum sativum) 7 ஆண்டுகள் சோதனைகள் நடத்தினார்
- 7 எதிரெதிர் பண்புகளை ஆய்வுக்கு எடுத்துக்கொண்டார்
மெண்டலின் விதிகள்
| விதி | விளக்கம் |
|---|---|
| ஓங்கு பண்பு விதி (Law of Dominance) | F1 தலைமுறையில் ஓங்கு பண்பு மட்டும் வெளிப்படும், ஒடுங்கு பண்பு மறைந்திருக்கும் |
| பிரிதல் விதி (Law of Segregation) | கேமீட் உருவாகும் போது அல்லீல்கள் பிரிந்து தனித்தனியாகச் செல்கின்றன |
| சார்பின்றிப் பிரிதல் விதி (Law of Independent Assortment) | வெவ்வேறு பண்புகளுக்கான அல்லீல்கள் ஒன்றையொன்று சாராமல் சுதந்திரமாகப் பிரிகின்றன |