அன்றாட வாழ்வில் விலங்குகள்

5.1 விலங்குகளிலிருந்து பெறப்படும் உணவுப் பொருள்கள்

பால்

பால் என்பது வெண்மையான ஒரு திரவம். இது பாலூட்டிகளின் பால் சுரப்பியிலிருந்து உற்பத்தியாகிறது. நாம் பயன்படுத்தப்படும் பாலானது பசு, எருமை மாடுகள் மற்றும் ஆடுகளிலிருந்து கிடைக்கும். பால் புரதம் மற்றும் கால்சியம் மிக்க ஊட்டச்சத்து உணவாகும். தேநீர், காஃபி, ஐஸ்கிரீம், சாக்லேட், பன்னீர், பாலாடைக்கட்டி, வெண்ணெய், நெய் மற்றும் தயிர் போன்றவற்றைத் தயாரிக்க பால் உதவுகிறது.

முட்டை

கோழி, வாத்து, வான்கோழி மற்றும் நெருப்புக்கோழிகள் போன்ற பெண் பறவைகள் முட்டையிடுகின்றன. முட்டை நம் உடலுக்குச் சக்தியையும் நல்ல ஆரோக்கியத்தையும் தருகிறது. ஆறு கிராம் எடையுள்ள முட்டை உயர்ந்தரகப் புரதத்தைக் கொண்டுள்ளது. தினமும் முட்டையை உண்பது நல்லது.

தேன்

தேனீக்கள் மலர்களிலிருந்து நெக்டார் என்ற இனிப்புச் சாற்றைச் சேகரித்து, அதைத் தேனாக மாற்றி தேன் கூட்டில் சேமிக்கின்றன. தேன் சிறந்த மருத்துவ குணம் மிக்கது, அதிக ஊட்டச்சத்து நிறைந்த உணவாகும். மலைப்பகுதியில் அடர்ந்த காடுகளில் உள்ள தேன் கூடுகளிலிருந்து இயற்கையான மலைத் தேன் எடுக்கப்படுகின்றது.