வகைப்பாட்டியல் என்பது உயிரினங்களை அவற்றின் பண்புகள், ஒற்றுமை மற்றும் வேற்றுமைகளின் அடிப்படையில் குழுக்களாகப் பிரித்து வகைப்படுத்தும் அறிவியல் பிரிவாகும். 7ஆம் வகுப்பு அறிவியல் பாடத்தின் இந்த அலகில் வகைப்பாட்டியலின் அடிப்படைகளை விரிவாக அறிந்துகொள்வோம்.
வகைப்படுத்தல் என்றால் என்ன?
வகைப்படுத்தல் என்பது உயிரினங்களைக் கண்டறிந்து குழுக்களாகப் பிரித்தல் ஆகும். நாம் வகைப்படுத்தும் போது அவற்றின் பண்புகளின் அடிப்படையில் குழுக்களாகப் பிரிக்கின்றோம். வகைப்படுத்துதல் மூன்று படிநிலைகளில் நடைபெறுகிறது: கண்டுபிடித்தல் (Identification), பிரித்தல் (Classification), தொகுத்தல் (Grouping).
நாம் பொருள்களை ஏன் வகைப்படுத்துகிறோம்?
வகைப்படுத்துதல் பின்வரும் காரணங்களால் அவசியமாகிறது:
- பொருள்களுக்கு இடையிலான ஒற்றுமைகளையும், வேற்றுமைகளையும் எளிதாகப் புரிந்துகொள்ளலாம்.
- வகைப்படுத்துதலின் மூலமாக எளிதாகப் பிரித்தறிய முடிகிறது.
- ஒத்த பண்புடைய பொருள்கள் ஒரே குழுவின் கீழ் வகைப்படுத்தப்பட்டிருக்கும்.
- வேறுபட்ட பண்புகளை உடைய பொருள்கள் வேவ்வேறு குழுக்களாக வகைப்படுத்தப்படும்.
- நம்மைச் சுற்றி உள்ள உயிருள்ள மற்றும் உயிற்ற பொருள்களை நன்கு புரிந்துகொள்ள உதவுகின்றது.