காந்தவியல் என்பது காந்தங்களின் பண்புகள், அவற்றின் பயன்பாடுகள் மற்றும் காந்த விசைகளைப் பற்றி ஆராயும் அறிவியல் பிரிவாகும். சுமார் 2500 ஆண்டுகளுக்கு முன்னர் கிரேக்க நாட்டில் மேக்னஸ் என்ற இடையன் காந்தத்தன்மையுடைய ஒரு பாறையை கண்டுபிடித்தான். இந்த அற்புதமான கண்டுபிடிப்பு காந்தவியலின் தொடக்கமாக அமைந்தது.
1. காந்தங்கள் கண்டறியப்படல்
சுமார் 2500 ஆண்டுகளுக்கு முன்னர் கிரேக்க நாட்டின் மெக்னீசியா என்ற ஊரில் மேக்னஸ் என்ற இடையன் தன் கைத்தடியிலுள்ள இரும்பு ஆணிகள் ஒரு குறிப்பிட்ட பாறையில் ஒட்டிக்கொண்டதைக் கண்டான். அந்தப் பாறைகள் இரும்பாலான அனைத்துப் பொருள்களையும் ஈர்க்கும் தன்மை கொண்டவை என்று மக்கள் கண்டறிந்தனர்.
இந்த காந்தத்தன்மையுடைய தாது மேக்னடைட் என்று அழைக்கப்படுகிறது. இவை இயற்கையான பாறைகள் என்பதால் ஒரு குறிப்பிட்ட வடிவம் இல்லை. மேக்னடைட் இயற்கைக் காந்தம் எனப்படுகிறது. காந்தங்கள் திசையினை அறியப் பயன்படுவதால் இவை வழிகாட்டும் கற்கள் எனவும் அழைக்கப்படுகின்றன.
2. காந்தங்களின் வகைகள்
மனிதனால் தயாரிக்கப்பட்ட காந்தங்கள் செயற்கைக் காந்தங்கள் என அழைக்கப்படுகின்றன. பொதுவாகப் பயன்படுத்தப்படும் செயற்கை காந்தங்கள் பின்வருமாறு: