குறிஞ்சிப் பாட்டு

1. நூல் அறிமுகம்

குறிஞ்சிப் பாட்டு பத்துப்பாட்டு என்னும் சங்க நூல் தொகுப்பில் ஒன்று. பத்துப்பாட்டு நூல்கள் நீண்ட பாடல்களின் தொகுப்பு. இந்நூலில் மொத்தம் 261 அடிகள் உள்ளன. இது ஆசிரியப்பா என்னும் யாப்பு வடிவில் எழுதப்பட்டுள்ளது.

இந்நூல் இருங்கோவேள் என்னும் அரசனுக்காக (அல்லது ஒரு பார்ப்பன முனிவருக்கு குறிஞ்சி நிலத்தை விளக்க) இயற்றப்பட்டது என்று கூறப்படுகிறது. கபிலர் ஒரு பார்ப்பன முனிவரிடம் மலைப்பகுதியின் இயற்கையை விளக்க இந்நூலை பாடினார் என்று சில ஆய்வாளர்கள் கூறுகின்றனர்.

2. ஆசிரியர் கபிலர்

கபிலர் சங்க காலத்தின் மிகப் புகழ்பெற்ற புலவர்களில் ஒருவர். இவர் பார்ப்பன குலத்தைச் சேர்ந்தவர். இவரை "குறிஞ்சிப் புலவர்" என்றும் அழைப்பர். கபிலர் பரிசில் பெற்ற பல அரசர்களைப் புகழ்ந்து பாடியுள்ளார். "வேங்கடம் முதல் குமரி வரை" தமிழ் நாட்டில் சுற்றிப் பாடிய புலவர் என்றும் புகழ்பெற்றவர்.