தில்லையாடி வள்ளியம்மை

தில்லையாடி வள்ளியம்மை

அறிமுகம்

பிரிட்டிஷ் ஆட்சியில் நடந்த அடக்குமுறைகளுக்கு எதிராக ஆண்களோடு சேர்ந்து பெண்களும் குரல் எழுப்பினர். அப்படி வீர தேசப்பற்றுடன் போராடிய சிறந்த தமிழ்ப் பெண்மணி தில்லையாடி வள்ளியம்மை. இவரது வாழ்க்கை வரலாறு நமக்கு அரும்பெரும் தேசப்பண்பை போதிக்கிறது.

குடும்பப் பின்னணி

வள்ளியம்மையின் தந்தையார் முனுசாமி – ஒரு நெசவாளர். இவர் புதுச்சேரி பகுதியிலுள்ள தில்லையாடி என்னும் கிராமத்தைச் சேர்ந்த மங்களம் என்னும் பெண்ணை மணந்தார். "தில்லையாடி வள்ளியம்மை" என்னும் பெயர் இவரது தாயின் ஊரான தில்லையாடி என்னும் கிராமத்தின் பெயரால் அமைந்தது.

தென்னாப்பிரிக்காவிற்கு குடிபெயர்தல்

பிரிட்டிஷ் ஆட்சியில் இங்கிலாந்திலிருந்து துணிகள் இறக்குமதி செய்யப்பட்டதால் இந்தியாவில் நெசவாளர்களுக்கு வேலை குறைந்தது. வாழ்க்கை நடத்த வழியில்லாமல் முனுசாமியும் அவரது குடும்பமும் தென்னாப்பிரிக்காவிலுள்ள ஜோஹன்னஸ்பர்க்கிற்கு வேலை தேடி குடிபெயர்ந்தனர். அங்கே அவர்கள் ஒரு சிறிய காய்கறிக் கடையை நடத்தி வாழ்க்கை கழித்தனர்.

வள்ளியம்மையின் பிறப்பு

1898 ஆம் ஆண்டு தென்னாப்பிரிக்காவில் வள்ளியம்மை பிறந்தார். இவர் பிறந்தது தென்னாப்பிரிக்காவில் என்றாலும், இவரது பெற்றோர் புதுச்சேரி பகுதியிலுள்ள தில்லையாடி கிராமத்தினர் என்பதால் "தில்லையாடி வள்ளியம்மை" என்று அழைக்கப்பட்டார்.