உலகளாவிய தமிழர்
தமிழினம் – பழமையும் பெருமையும்
தமிழினம் உலகின் மிகப் பழமையான இனங்களில் ஒன்று. "கல்தோன்றி மண்தோன்றாக் காலத்தே வாளொடு முன்தோன்றிய மூத்தகுடி" என்று புகழப்படும் தமிழர், கற்கள் தோன்றுவதற்கும் முன்பே இந்த உலகில் முன்னோடிகளாக விளங்கினர். குமரிக்கண்டம் என்னும் தொன்மையான நிலப்பகுதியே தமிழினத்தின் தாயகம் என்று அறிஞர்கள் கருதுகின்றனர்.
உலகில் தமிழர் பரவல்
உலகில் 193 ஐக்கிய நாடுகள் சபை உறுப்பு நாடுகள் உள்ளன; 43 நிர்வாக பகுதிகள் உள்ளன. இவற்றில் சுமார் 184 நாடுகளில் தமிழர்களின் வாழ்க்கை வியாபித்துள்ளது. குறிப்பாக 20 நாடுகளில் ஒரு லட்சத்திற்கும் மேற்பட்ட தமிழர்கள் வாழ்கின்றனர்.
புலப்பெயர்ச்சியின் காரணங்கள்
- வணிகம்: சங்க கால தமிழ் இலக்கியங்கள் கடல் வழி வாணிகத்தை குறிப்பிடுகின்றன. மணிமேகலை நூலில் வணிகன் சாதுவன் கடல் வழி வாணிகம் செய்தது கூறப்படுகிறது.
- வேலை வாய்ப்பு: ஔவையார் "திரையல் ஓடியும் திரவியம் தேடு" என்று வெளிநாட்டில் கடல் கடந்தும் செல்வம் தேடுமாறு அறிவுறுத்தியுள்ளார்.
- காலனி ஆட்சி: ஆங்கிலேயரும் பிரெஞ்சுக்காரர்களும் தங்கள் காலனி நாடுகளில் உழைப்பாளர்களாக தமிழர்களை அழைத்துச் சென்றனர்.
- பஞ்சம் மற்றும் போர்: பஞ்சங்களும் வெளிநாட்டு படைகளின் ஆக்கிரமிப்பும் தமிழர்களை புலம் பெயர்ந்து வேற்று நாடுகளில் குடியேறச் செய்தன.