ஓய்வும் பயனும் - பேராசிரியர் பெருஞ்சித்திரனார் (9ஆம் வகுப்பு)
ஆசிரியர் அறிமுகம்
பேராசிரியர் பெருஞ்சித்திரனார் என்பது இவரது புனைப்பெயர். இவரது இயற்பெயர் துரை.மாணிக்கம். சேலம் மாவட்டத்தில் உள்ள சாமுத்திரம் என்னும் ஊரில் 10.03.1933இல் பிறந்தார். 11.06.1995இல் காலமானார்.
இவர் தென்மொழி, தமிழ்ச்சிட்டு, தமிழ்நிலம் ஆகிய இதழ்களை நடத்தினார். "ஓய்வும் பயனும்" என்ற இப்பாடல் இவரது பள்ளிப்பறவைகள் என்ற குழந்தைப் பாடல் தொகுப்பிலிருந்து எடுக்கப்பட்டது.
பாடல்
ஓய்வாக இருக்கையில் தம்பி – நீ
ஓவியம் வரைந்து பழகு!
தூய்மையோ டிமதி சேரும்! – நன்கு
தோன்றிடும் உள்ள அழகு!
பாக்களும் இயற்றிப் பழகு – நல்ல
பாடலைப் பாடி மகிழ்வாய்!
தாக்குறும் துன்பம் யாவும் – இசைத்
தமிழினில் மாய்ந்து போகும்!
அறிவியல் ஆய்வு செய்வாய் – நீ
அன்றாடச் செய்தி படிப்பாய்!
செறிவுறும் உன்றன் அறிவு – உளச்
செழுமையும் வலிவும் பெறுவாய்!
மருத்துவ நூல்கள் கற்பாய் – உடன்
மனநூலும் தேர்ந்து கற்பாய்!
திருத்தமெய்ந் நூல்கள் அறிவாய் – வருந்
தீமையும் பொய்யும் களைவாய்!