சீவக சிந்தாமணி

நூல் அறிமுகம்

ஐம்பெருங்காப்பியங்களுள் ஒன்றான சீவக சிந்தாமணியை இயற்றியவர் திருத்தக்கதேவர். சிந்தாமணி என்பதற்கு "ஒளி குன்றாத மணி" என்பது பொருள். குன்றுதலில்லாத அழகு தமிழ்நடை பெற்றிருப்பதாலும் தமிழ் மாந்தர் தம் நெஞ்சில் வைத்துப் போற்றுவதாலும் இந்நூல் சிந்தாமணி என்னும் தகுதியுடையதாயிற்று.

இந்நூலுக்கு மணநூல் என்ற வேறு பெயரும் உண்டு. இது நாமகள் இலம்பகம் முதலாக முத்தியிலம்பகம் ஈறாகப் பதின்மூன்று இலம்பகங்களைக் கொண்டு விளங்குகிறது. விருத்தம் என்னும் பாவினத்தால் அமைந்த முதல் தமிழ்க் காப்பியம் சிந்தாமணியே.

ஆசிரியர் குறிப்பு — திருத்தக்கதேவர்

திருத்தக்கதேவர் சோழர் அரச குலத்தில் பிறந்தவர். இவர் சமண சமயத்தைச் சார்ந்தவர். இவரது காலம் கி.பி. பத்தாம் நூற்றாண்டு ஆகும். இவர் பாடிய மற்றொரு நூல் நரி விருத்தம் ஆகும்.

• சமய நிலை: சமண சமயத் துறவி
• காலம்: கி.பி. பத்தாம் நூற்றாண்டு
• மற்றொரு நூல்: நரி விருத்தம்
• பிறப்பு: சோழர் அரச குலம்