துாரத்து ஒளி
கதை சுருக்கம்
மாலைப்பொழுதில் அக்பர் மன்னரும் பீர்பாலும் ஆற்றங்கரையில் நடந்துகொண்டிருந்தனர். குளிர்காலம் — கடுங்குளிர் நேரம். மன்னர் ஒரு கேள்வி எழுப்பினார்: "இந்தப் பனியிலும் கடுங்குளிரிலும் ஓர் இரவு முழுவதும் இந்த ஆற்றுநீரில் யாராலாவது நிற்க இயலுமா?" பீர்பால் "என்னால் இயலாது மன்னா!" என்று கூறினார்.
மன்னர் "உங்களால் இயலாது என்பது எனக்குத் தெரியும். இரவு முழுவதும் ஆற்றுநீரில் யார் நிற்கிறார்களோ அவர்களுக்குப் பரிசு வழங்கப்படும்" என்று முரசு அறிவிக்கச் சொன்னார்.
மிகவும் வறுமையில் வாடும் ஒரு ஏழை இந்த அறிவிப்பைக் கேட்டு குடும்பத்தை வாழ வைக்க வேண்டும் என்று எண்ணி போட்டியில் கலந்துகொண்டான். மன்னர் அவனை அன்றைய இரவுப்பொழுது முழுவதும் ஆற்றுக்குள் நிற்குமாறு கூறி அனுப்பி வைத்தார். இரண்டு காவலர்களையும் உடன் அனுப்பி வைத்தார்.
ஏழை மனிதன் இரவுப்பொழுது முழுவதும் ஆற்றுக்குள் நின்றான். காவலர்கள் அவனை இரவு முழுவதும் கண்காணித்துக்கொண்டே இருந்தார்கள். காலையில் அவனை அழைத்து வந்து மன்னரிடம் நிறுத்தினார்கள். மன்னர் "இரவு முழுவதும் ஆற்றுநீரில் இவன் நின்றிருந்தானா?" என்று கேட்டார். "ஆமாம் மன்னா" என்று காவலர்கள் கூறினார்கள்.