உழவின் சிறப்பு
கவிஞர்: கம்பர் | நூல்: 7ஆம் வகுப்பு தமிழ் (மூன்றாம் பருவம்)
பாடல்
மேலி பிடிக்குமை வேல்வேந்தர் நோக்குமை
ஆழி தரித்தே அருளுமை - சூழ்வினை
நீக்குமை என்றும் நிலைக்குமை நீடுழி
காக்குமை காரளர் கை.
- கம்பர்
பாடலின் பொருள்
உழவா! உன்னுடைய கைகள் ஏர் பிடித்து உழுகின்ற கைகள்; வேல் ஏந்திய மன்னர்களும் ஆர்வத்தோடு நோக்கும் கைகள்; மோதிரம் அணிந்த உன் கைகள், வருவோர்க்கு எல்லாம் வரையாது வழங்கும் கைகள்; ஏழை மக்களின் வறுமைத் துன்பமாகிய பசிப்பிணியை போக்கும் கைகள்; என்றும் உழும் தொழிலே உலகில் நிலையானது; வேளாண் செய்வோரின் கைகளே என்றென்றும் உயிர்களுக்கு அடைக்கலம் அளிக்கின்ற கைகள்.
சொற்பொருள்
- மேலி – கலப்பை, ஏர்
- வேந்தர் – மன்னர்
- ஆழி – மோதிரம்
- சூழ்வினை – உண்டாகும் வறுமைத் துன்பம்
- காரளர் – மேகத்தை ஆள்கின்றவர்களாகிய உழவர்
- நீடுழி – என்றும், எல்லாக் காலத்திலும்
கம்பர் குறிப்பு
- இயற்பெயர்: கம்பர்
- பிறந்த ஊர்: தேரழுந்தூர், மயிலாடுதுறைக்கு அண்மையில் உள்ளது
- ஆதரித்தவர்: சடையப்ப வள்ளல்
- இயற்றிய நூல்கள்: கம்பராமாயணம், சடகோபரந்தாதி, ஏரெழுபது, சரஸ்வதி அந்தாதி, திருக்கை வழக்கம்
- சிறப்பு: கல்வியில் பெரியர்; கம்பன் வீட்டுக் கட்டுத்தறியும் கவிபாடும் என்ற பழமொழியால் சிறப்பிக்கப்படுகிறார்
- காலம்: பன்னிரண்டாம் நூற்றாண்டு