அம்மானை என்பது தமிழக மகளிர் பண்டு தொட்டே விளையாடி வரும் ஒரு வகைக் காய் விளையாட்டு. மூவர் வட்டமாக உட்கார்ந்துகொண்டு கல்லை மேலே எறிந்து பிடித்தாடுவது அம்மானை விளையாட்டு. இவ்விளையாட்டில் ஆடுங்கால் முதலாமவர் இரண்டாமவரிடம் ஒரு கருத்தைக் கூறித் தொடங்க, இரண்டாமவர் மூன்றாமவரை அதுபற்றி வினவ, மூன்றாமவர் அதற்கு விடை கூறி முடிப்பதாக அமையும் சுவையான ஓர் உரையாடல் விளையாட்டு.
பாடல் — அம்மானை (சுவாமிநாத தேசிகர்)
வீரன் நெடு வேல் ஏந்திய விளங்கு செந்திலில் எம்பெருமான்
பாரில் உயிர் எல்லாம் படைத்தனன் காண் அம்மானை,
பாரில் உயிர் எல்லாம் படைத்தனனே யாமாகில்
ஆரணங்கள் நான்கும் அறிவனோ அம்மானை,
அறிந்து சிறை அயடு காக்கினன் காண் அம்மானை.
பொருள் விளக்கம்
ஒளிபொருந்திய நெடிய வேல் ஏந்திய வீரனும் பெருமை பொருந்திய திருச்செந்தூரில் விளங்குபவனும் ஆகிய முருகப்பெருமான், உலகிலுள்ள உயிர்களை எல்லாம் படைத்தனன். உலகிலுள்ள உயிர்களை எல்லாம் படைத்தவனே ஆனாலும், அவன் நான்கு மறைகளையும் அறிவானோ? அவன், இவற்றை எல்லாம் அறிந்தே நான்முகனைச் சிறையிலிட்டு காத்தனன்.