அறுவகைப் பெயர்சொற்கள்

அறுவகைப் பெயர்ச்சொற்கள்

தமிழ் இலக்கண நூலார் பெயர்ச்சொற்களை ஆறு வகையாகப் பிரிக்கின்றனர். இந்த ஆறு வகைப் பெயர்ச்சொற்களும் தமிழ் மொழியில் உள்ள அனைத்துப் பொருள்களையும் குணங்களையும் குறிக்கும் வகையில் அமைந்துள்ளன.

பெயர்ச்சொல் என்றால் என்ன?

உயிர், பொருள், இடம், காலம், குணம், தொழில் ஆகியவற்றின் பெயரை உணர்த்தும் சொற்கள் பெயர்ச்சொற்கள் எனப்படும். இலக்கண நூலார் பெயர்ச்சொற்களை அறுவகையாகப் பிரிப்பர்.

அறுவகைப் பெயர்ச்சொற்கள்

• பொருட்பெயர்
• இடப்பெயர்
• காலப்பெயர்
• சினைப்பெயர்
• குணப்பெயர்
• தொழிற்பெயர்

1. பொருட்பெயர்

பொருளைக் குறிக்கும் பெயர் பொருட்பெயர் ஆகும். இது இரு வகைப்படும்:

• உயிருள்ள பொருள்கள்: குமரன், மலர்க்கொடி, தென்னை, செம்பருத்தி, வெள்ளாடு, ஓணான் முதலியன
• உயிரற்ற பொருள்கள்: நாற்காலி, அடுப்பு, தட்டு, எண்ணெய், மண், நீர், காற்று முதலியன

எடுத்துக்காட்டு: கண்ணன், நாற்காலி, மரம், நீர்

2. இடப்பெயர்

ஒரு இடத்தைக் குறிப்பது இடப்பெயர் ஆகும். வீடு, தெரு, பள்ளி, கோவில், மக்கள் வாழிடம், தோட்டம், காடு, மலை என இடங்களைக் குறிப்பனவெல்லாம் இடப்பெயர்தான்.