திருவாரூர் நான்மணிமாலை
திருவாரூர் நான்மணிமாலை என்பது கி.பி. பதினேழாம் நூற்றாண்டுப் புலவர் குமரகுருபர் அவர்களால் இயற்றப்பட்ட சிற்றிலக்கிய நூல். இந்நூல் திருவாரூரில் எழுந்தருளியுள்ள தியாகராசப் பெருமான் மீது பாடப்பட்டது.
பாடல்
என்பணிந்த தென்கமலை ஈசனார் பூங்கோயில்
முன்பணிந்த தெய்வ முனிவோர்கள் – அன்பென்னாம்
புண்சுமந்தோம் நந்தி புடைத்தென்னார் புண்டியனார்
மண்சுமந்தார் என்றுருகு வார்.
– குமரகுருபர்
பாடல் பொருள்
எலும்பை மாலையாக அணிந்தவரும் திருவாரூரில் எழுந்தருளியுள்ளவருமான சிவபெருமானைத் தெய்வத்தன்மையுள்ள முனிவர்கள் வணங்கியபோது, நந்தியால் அடிக்கப்பட்டதற்கு அவர்கள் வருந்தவில்லை. வந்தி என்னும் பெயருடைய கிழவிக்காக இறைவன் மண் சுமந்து பாண்டியனிடம் அடிக்கப்பட்டார் என்பதை நினைத்து அவர்கள் மனம் வருந்தினார்கள். அவர்களின் அன்பு மிகவும் உயர்ந்தது.
நூல் குறிப்பு
- நூல் பெயர்: திருவாரூர் நான்மணிமாலை
- பெயர் விளக்கம்: திருவாரூர் + நான்கு + மணிமாலை = திருவாரூர் நான்மணிமாலை. திருவாரூரில் எழுந்தருளியுள்ள தியாகராசர் மீது பாடப்பெற்ற நான்மணிமாலை என்று பொருள்படும்.
- நூல் வகை: தமிழில் வழங்கும் தொண்ணூற்றாறு சிற்றிலக்கிய வகைகளுள் ஒன்று
- நான்மணிமாலை அமைப்பு: முத்து, பவளம், மரகதம், மாணிக்கம் என்னும் நால்வகை மணிகளால் ஆன மாலையை போன்று நால்வகை பாடல்களால் (வெண்பா, கட்டளைக் கலித்துறை, ஆசிரிய விருத்தம், ஆசிரியப்பா) ஆன நாற்பது செய்யுளைக் கொண்டது
- துணை தலைப்பு: இறைவன் மண் சுமந்ததற்கு இரங்கல்