சித்தர் பாடல்

வைதோரைக் கூட வையாதே – இந்த
    வைய முழுதும் பொய்த்தாலும் பொய்யாதே!

வெய்ய வினைகள் செய்யாதே – கல்லை
    வீணில் பறவைகள் மீதில் எய்யாதே!

பாம்பினைப் பற்றி ஆட்டாதே – உன்றன்
    பத்தினி மார்களைப் பழித்துக் காட்டாதே!

வேம்பினை உலகில் ஊட்டாதே – உன்றன்
    வீறாப்பு தன்னை விளங்க நாட்டாதே!

போற்றும் சடங்கை நண்ணாதே – உன்னைப்
    புகழ்ந்து பலரில் புகலல் ஒண்ணாதே!

சாற்றும்முன் வாழ்வை எண்ணாதே – பிறர்
    தாழும் படிக்குநீ தாழ்வைப் பண்ணாதே!

கள்ள வேடம் புனையாதே – பல
    கங்கையிலே உன்கடம் நனையாதே!

கொள்ளை கொள்ள நினையாதே – நட்புக்
    கொண்டு பிரிந்துநீ கோள்முனையாதே!

– கடுவெளிச் சித்தர்