ஊர்த்திருவிழா ஒரு கலைவிழா

ஊர்த்திருவிழா – ஒரு கலைவிழா

ஆறாம் வகுப்பு, இரண்டாம் பருவம் – தமிழ் | துணைப்பாடம்

பாடத்தின் சுருக்கம்

திருவிழா என்றால் ஊரே அதிரும்படியான மேளச்சத்தம் கேட்கும். வாண வேடிக்கைகள், விதவிதமான ஆட்டங்கள் நடைபெறும். இத்தகைய ஒரு திருவிழாவிற்கு ஒவியர் ஒருவர் சென்றிருந்தார். அவர் தீட்டிய வண்ணப்படத்தில், தாம் பார்த்த திருவிழாக் காட்சிகளை உயிரோட்டத்துடன் வரைந்தார். அந்தப் படம் பாடப் புத்தகத்தின் முன்பக்கத்தில் உள்ளது.

கரகாட்டம்

நாட்டுப்புற நிகழ்த்துக் கலைகளுள் ஒன்று கரகாட்டம். இது ஆண், பெண் இருவருமே ஆடும் கலையாகும். ஊர்த்திருவிழாவில் சாமி ஊர்வலத்தில் அல்லது தேரோட்ட நிகழ்ச்சிகளில் இதனை நிகழ்த்துவர்.

• பெரியோர் முதல் சிறியோர் வரை அனைவரும் விரும்பும் நிகழ்ச்சியாக கரகாட்டம் உள்ளது.
• தலையில் கரகம் வைத்து நாகசுர இசைக்கு ஏற்ப அடியெடுத்து ஆடுவது கண்கொள்ளாக் காட்சியாகும்.
• இக்கரகாட்டத்திற்கான களம் அகலமான நெடுந்தெருக்களே. காண்போரையும் உடன்சேர்ந்து ஆடத்தூண்டும் அளவிற்குக் கரகாட்டக் கலைஞர்கள் ஆடுவார்கள்.

ஊர்த்திருவிழாவில் நடைபெறும் கலைகள்

• கரகாட்டம் – தலையில் கரகம் வைத்து நாகசுர இசைக்கு ஏற்ப ஆடும் கலை
• சிலம்பாட்டம் – சிலம்புக் கோல் கொண்டு ஆடும் போர்க்கலை
• புலியாட்டம் – புலி வேடமிட்டு ஆடும் கலை
• பொய்க்கால் குதிரையாட்டம் – செயற்கைக் காலை அணிந்து குதிரை போல் ஆடும் கலை
• வாண வேடிக்கைகள் – விண்ணை நோக்கி வெடிக்கப்படும் வண்ணப் பட்டாசுகள்