மகள் இந்திராவிற்கு நேரு எழுதிய கடிதம்
பாடப் பின்னணி
நமது இந்திய நாட்டின் விடுதலைக்காகப் பாடுபட்ட தலைவர்களுள் ஒருவர் ஜவகர்லால் நேரு. இவர், நம் நாடு விடுதலை பெற்றபின் முதல் முதன்மை அமைச்சராகப் பொறுப்பேற்றார்.
அவருடைய அன்பு மகள்தான் இந்திராகாந்தி. 1922 ஆம் ஆண்டுமுதல் 1964 ஆம் ஆண்டுவரை 42 ஆண்டுகள் தம் மகளுக்குக் கடிதங்கள் எழுதிக்கொண்டே இருந்தார்.
நேரு வெளிநாட்டுக்குச் சென்ற பொழுதும், இந்தியாவில் இருந்தபொழுதும், சிறைச்சாலையில் அடைக்கப்பட்ட பொழுதும்கூட மகளுக்குக் கடிதங்கள் எழுதுவதை நிறுத்தவே இல்லை.
தாகூரின் விசுவபாரதி கல்லூரியில் இந்திராகாந்தி சேர்ந்தபோது, அவர் எழுதிய கடிதம் இது. விசுவபாரதி கல்லூரி மேற்கு வங்காளத்தில் சாந்திநிகேதன் என்னும் இடத்தில் உள்ளது.
கடிதத்தின் உள்ளடக்கம்
அல்மோரா மாவட்டச் சிறைச்சாலை, 1935 பிப்ரவரி 22.
நேரு தம் மகளை "செல்லமகள் இந்து!" என்று அழைத்து கடிதம் தொடங்குகிறார்.
ஆசிரியரோடு தனியாக உரையாடுவதன் பயன்
வகுப்பறையில் உட்கார்ந்து பாடங்களைக் கேட்பதைவிட, ஆசிரியர்களைத் தனியாகச் சந்தித்து உரையாடுவது மிகவும் நல்லது என்று நேரு கூறுகிறார். இந்த அணுகுமுறை மாணவர்களின் வளர்ச்சிக்கு பெரிதும் பயன்படும் என்று விளக்குகிறார்.