பறவைகள் பலவிதம்
கூந்தன்குளம் - பறவைகளின் புகலிடம்
தமிழ்நாட்டில் திருநெல்வேலி மாவட்டத்தில் உள்ள சிற்றூர் கூந்தன்குளம். அந்த ஊர் மக்கள் பட்டாசே வெடிப்பதில்லை; திருமணம் நடைபெற்றாலும், திருவிழா நடைபெற்றாலும் டும்டும் ஒலி எழுப்பும் மேளதாளம் இடம்பெறாது. ஏனெனில், அந்த ஊரில் உள்ள பெரிய ஏரி பறவைகளின் புகலிடமாகத் திகழ்கிறது.
வலசை போதல் என்றால் என்ன?
பருவநிலை மாறும்போது பறவைகள் இடம்விட்டு இடம் பெயர்கின்றன. வெயில் சுட்டெரிக்கும் காலத்தை கோடைக்காலம் என்கிறோம். விடாமல் மழை பெய்தால் மழைக்காலம் என்கிறோம். மார்கழி மாதம் பனிபெய்யும்; அதை பனிக்காலம் என்கிறோம். வெயிலும் மழையும் பனியும் மாறிமாறி வருவதை பருவநிலை மாற்றம் என்கிறோம். இப்படிப் பறந்து செல்வதை வலசை போதல் என்பார்கள்.
பறவைகள் செய்யும் நன்மைகள்
- பறவைகள் ஒரு நாட்டில் பழங்களைத் தின்றுவிட்டுப் பறந்துசென்று இன்னொரு நாட்டில் எச்சமிடுகின்றன. அந்த எச்சம் மண்ணில் விழும்போது, அப்பழத்தின் விதை அங்கு முளைத்து மரமாகி விடுகிறது. இப்படி உலகம் முழுவதும் மரம், செடி, கொடிகளைப் பரப்பும் வேலையை பறவைகள் செய்கின்றன.
- வயல்வெளிகளில் பயிர்களைத் தாக்கும் பூச்சிகள், வண்டுகளை பறவைகள் தின்றுவிடுகின்றன. அதன்மூலம் பறவைகள் உழவர்களுக்கு உதவுகின்றன.
- பருவகால மாற்றத்தை நம்முன்னோர்கள் பறவைகளின் இடம் மாறுவதை வைத்துக் கணிப்பார்கள்.